Ynne ka sngi ka yung krehkaam yong ka Divisional Forest Officer, Jaiñtia Hills Wildlife Division, Jowai da pynkut ko yaka tayaaw lehkmen Wild life Week ha Community Hall ka chnong Demthring heiwa u Principal Chief Conservator of Forest (Biodiversity & Wildlife) uwa man leh u Chief Wildlife Warden, u S.M. Sahai, IFS da man u kam u kongsan katwa u Chief Conservator of Forest (Wildlife), u P.K. Agrahari, IFS kam u symbood kongsan.
Hawa e yei klam u S.M. Sahai, ong u ka phang pyrdi yong uni u snem toh kawa ong “Partnerships for Wildlife Conservation” man ko kawa emkaam bha neibhah wanrah ko i yakrehlang hapyrdi ki paidbah wa ki seiñ waphær waphær, ki chnong ki thaw neibynta u yada wei pynneh pynsah yaki jait mrad waphær.
Sñiawkmen u leh hajrong i yoh yakrehlang naki waheh chnong deiwa yooluti wow pteiñ ki chaphrang khnang yow ye u pynsñiawthooh yaki paidbah hajrong i emkaam u yada yaki mrad.
Ha kani ka sngi da saam khusnam leh cha ki khynnah skur wa jop wa chimbynta hei yakob dro, yakob Extempore Speech kiwa da pynman chwa kani ka sngi ha ki thaw waphær waphær.
Da e Award leh cha ki bru samen wa ki chnong kiwa da embynta u pynlait im yaki jait mrad waphær waphær wa kynthup yaka Wildlife Samarita Award 2022-2023 wada yoh da u Daioo Wan uwa naka chnong Moodymmai Wah waka Kelsi Lapasam kawa na Chutwakhu, Jowai hajrong i pynlait im ki jiat sim wa tip kam ki Barn Owls.
Heiyatoh waka Wildlife Samarita Award 2023-2024 da yoh u Monlang Talang uwa na Nongbareh Rim wa da pynlait im u ya u Khlasim (Leopard Cat), u Hynruki Dkhar naka chnong Barato wa u Sambha Dhar wa na Ladthadlaboh, Jowai wada pynlait im ki ya ki Slow Loris, u Achuhmi Lamare naka chnong Mupliang wada pynlait im u ya u Masked Palm Civet, u Marbanki Law naka chnong Moolibang Shangpung hajrong i yoh pynlait im u ya ki khon sim Dhoh wa tip kam ki Asian Barred Owlets. Ka Emmichirup Jones Pyrtuh naka chnong Sohmynting wada pynlait im ko ya ka Lakang (Keeled Box Turtle), u Shanlangki Sungoh naka chnong Shagpung Khliehrangnah waka Fairy June Sungoh naka chnong Mootyrchiah hajrong i pynlait im ki ya u Monitor Lizard, u T. Padit naka chnong Mynsngat wada pynlait im u ya u Leopard Cat, u Liiomio Laloo uwa na Tpep Pale, Jowai uwa da pynlait im u ya u Indian Giant Flying Squirrel, u Saphiius Suting na Salaroh, Jowai uwa da pynlait im u ya u Tokay Gecko, u Kopsarlin Rymbai na Salaroh, Jowai wa da pynlait im u ya u White Breasted Kingfisher, u Arban Sungoh wa na Mooralong, Jowai wada pynlait im u ya ka sim Black Kite Indian katwa u Damemaia Sakhiat Laloo wa na Khimusniang, Jowai hajrong i pynlait im ya u Ferret Badger.
Neitæ ka chnat krehkaam da pynkup burom haroh ko yaki waheh chnong kiwa da embynta u yakrehlang waka chnat Wildlife neibynta u e yada yaki Syngkni kiwa lai dem lai chong lai sah haki chnong ki thaw wa boon ha uni u snem.
Kiwi won wa e i klam kynthup ya ka Additional Deputy Commissioner, ka H.M.L Kynta, ka N. Laloo, MFS, Divisional Forest Officer, Jaiñtia Hills Wildlife Division, Jowai, ka M. Suchiang, Forest Pleader, u S. Law, Range Forest Officer I/c Umkiang Wildlife Range, Khliehriat, u N. Medhi, Senior Biologist, Wildlife Wing, Meghalaya Shillong wa u Dr. Aniket Pawar, Bombay Natural History Society (BNHS) wa kiwi haka yalang wa pynlai da u D.N. War, MFS, Assistant Conservator of Forest, Jaiñtia Hills Territorial Division, Jowai.
Katwa yaki kyntien e khublei da yoh na u SPR Shullai, Range Forest Officer, I/c Jowai Wildlife Range, Jowai.
Discussion about this post