Jowai : Ka International Centre for Folklore Studies & Kerela Folklore Academy da pynkup burom ko ya u Dr. H. Carehome Pakynteiñ DTM, DMHS haka 4th Desi International Folklore Conference kawa da man haka 20 waka 21 tarik u Naisan wada man ha Kerala Sahitya Academy, Thissur wa em ha jylla Kerala.
U Dr. Pakynteiñ da e u yaka Presentation hajrong ka phang “Herbal Medicine-The Much needed remedy for all… Preserve it” wei da pynkup burom ya oo da u Dr. C.R. Rajagopalan, Professor Dept. of Malayalam & Director International Centre for Kerela Studies University haka 20 Naisan 2016.
Chirup wa u Dr. Pakynteiñ da pynkup burom leh ya 19 ngut kiwa kynthup ya 5 ngut na Tamil Nadu, 5 ngut na Karnataka, 7 ngut na Kerela, uwi na Chattisgarh wa uwi na Madhya Pradesh.
Haka 23 tarik won u Dr. Pakynteiñ da yoh u wow chong yalang wa ki scientist ha Chennai heiwa u Dr. D. Velmuruga dadep test u yaki dawai wa wanrah u Dr. Pakynteiñ ha Madras University.
Ha ini i lai da sumar u leh ya 3 ngut kiwa kjut ha Bangalore haka 25 tarik wei ka sngi wabood won itæ haka 26 tarik u Dr. Pakynteiñ da lai chong yalang u ha Sami Labs Limited heiwa da pynyoo u yaka Video Presentation kawa sumaar Baamklep (Cancer) u heiwa u Dr. Muhammed Majeed, Managing Director ka Sami Labs Ltd., Bangalore da emlang u.
U Dr. Pakynteiñ da jooh lai chimbynta u ha kiwa boon ki yalang ha kini ki snem ha kylleiñ ka ri India wa kamjooh leh cha ka ri Nepal.
Discussion about this post