Chah pynkup burom u Modi da ki Award wa khlieh dooh ki ar ri

U Prime Minister ka ri, u Narendra Modi da pteiñ i yoh burom u na ki ri ka pyrthai heiwa ynne ka Commonwealth of Dominica da pynkup burom ko ya u Modi da ka Award wa heh dooh ka ri, kawa tip kam ka Dominica Award of Honour.

Ya kani ka Award da e da ka President, ka Sylvanie Burton wow tipmit yei kreh u Modi heipor wa wan ka kjut khlam COVID-19 wa i rai wow pynkhlan i yatoh hapyrdi ka India wa ka Dominica.

U Modi hadien wa yoh ya ka Award da ong u wa ini ymtoh i burom yong oo samen tangwa yong ki 140 klur ngut ki paidbah ka ri India, i kreh chitom wei man kyrpang yong ki. Da ong u wa ki ar ri toh ki ri wa synchaar paidbah wei man ki ka nongmuna ya kiwi ki kynthai ha kylleiñ ka pyrthai.

Chooh chooh da dap u dei sñiawkmen wa da ye u yarap ya ki paidbah ka Dominica heipor wa wan ka kjut khlam COVID-19.

Ka India wa Dominica da khlan i yatoh lok ki nadooh u 1981, deiwa yakrehlang ha kiwa boon ki bynta.

Heipor ka khlam COVID-19 ka India da yarap ko ya ka Dominica lyngba ka Vaccine Maitri deiwa e ko hadooh 70,000 Dose i dawai AstraZeneca cha ka Dominica ha u 2021.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Ynne u Modi da chah pynkup burom u leh ha ka ri Guyana da ka ‘The Order of Excellence’ heiwa ya kani ka Award kawa khlieh dooh ka ri da e da u President ka Guyana, u Mohamed Irfaan Ali.

Kani ka “The Order of Excellence” da e ya u Modi neidaw i chakri ya ki ri ka pyrthai wa i pynyjan ya ka India wa ka Guyana.