U Radio Jockey ka 91.1 Mirchi Shillong, u RJ Nicky J da chah pynkup burom u haka UNICEF India waka Radio4child ha ka yalang wa pynman lang leh yaka ‘Workshop on Routine Immunization’ wa pynman ha ka 6-7 tarik uni u bnai ha Mumbai.
Ha kani ka yalang da emlang palat 80 ngut ki bru wakreh ha ki Radio na kylleiñ ka ri kiwa da chah pynkup burom yei kreh yong ki wow pynsñiawthooh paidbah yei emkaam wow chim tika heipor wa em ka khlam.
Ya ini da pynkup burom da uwa jop ya ka Grammy Award kam uwa chna sur ka India kamjooh u bru wa kreh wow pynneh pynsah ya ka rymaw, u Ricky Kej wa kiwi de kiwa chah khut sñiawbha.
Neiliang ka Zafrin Chowdhury, Chief Communication, Advocacy & Partnerships UNICEF India da pynsñiaw ko yei sñiawngooh yei yarap ki bru wa kreh ha ki Radio wow pynsñiawthooh paidbah heipor wa em ka khlam wei da ban joor ko leh yei emkaam wow pynsñiawthooh chooh chooh yei emkaam leh wow chim ya kiwi ki jait tika khamtam ki khynnah.
U RJ Nicky J hawa e yei klam da ban joor u yei emkaam wow pynman ya ka Radio kam ka laad pathai khubor neibynta i chait i khiah, kiwa yahkhmat chnong kamjooh kiwa chong chnong yow pynsñiawthooh chaphang iwa emkaam u chim yei tika dei langær, kammon wow sumaar ya ki khynnah kamjooh yow pynche ya iwon iwon i artatien yow poi cha ka thong ka Intensified Mission Indradhanush 4.0.
