Kam chibynta wow tipmit ya ki bru wa seiñ khih dei yong ki hi kiwa da em hei kaam palat 20 snem, uwa sdang ya ka AVENUES ha Meghalaya, u Mark Laitflang Stone da pynkup burom ya oo da ka AsiaOne’s Asian Youth Empowerment Leader Award 2O2O-21 haka 15th Edition Asia-Africa Business and Social Forum: Awards & Business Summit kawa da pynman ha ka 26 tarik uni u bnai ha JW Marriott Marquis Hotel, Dubai.
Neiliang u Mark Laitflang Stone da ong u, “Em boon ki khynroo khyllood ha ki chnong ki thaw ka ri ka pyrthai ki wym yohlaad kamwa yohlaad kiwi wei i da e sikai i kammon yow tip ki u leh yow yoh yei jop wei iwa emkaam wow tip kammon u leh yow yoh ki yei sñiawskem yow lait ki u sñiawrem.”
Da e khublei u leh ya ka sorkar Meghalaya, ka sorkar India, ki bru ka Avenues wa ya kiwa chong chnong ka Shillong kiwa da e yei kyrchaan ha ki snem wa da lai.
U Stone nadooh i por wa em u 17 snem da sdang u wow kreh ha ki kaam wa yatoh waka Hospitality Services, Skills Development, Events, IT, Telecom wa Consulting. Wei hei rta wa 20 snem da sdang u ya ka AVENUES heiwa kiwa da yoh myntoi naka da em ki kamwa 1 lak ngut ka thaaiñ Northeast India.
