Jowai: Ka Niawki Samati kawa man kam ka Assistant Teacher yong ka Lum Mynso UPS SSA, Ummulong, West Jaiñtia Hills District ha kani ka 17 tarik uni u bnai da chah pynkup burom ko da ka khusnaam ‘Teacher Innovation Award 2019’ wa da pait da pynlai da ka Sri Aurobindo Society, New Delhi ryngkat wa ka HDFC Bank.
Ya kani ka khusnaam da ekti ha ka yalang International Conference on Journey of Teacher: Local and Global ha Manekshaw Centre, New Delhi.
Ka Niawki Samati da chah jied ko wow yoh ya kani ka khusnaam hajrong ka kyrdan “A Clean, Green & Healthier Campus” wa “Zero Investment Innovation for Education Initiative” (ZIIEI) heiwa da da sdang thung ko da u phlang ha pchem ka skur yow pynlait ya ki khynnah na i khyndaw i ktieh wa i laphooh heiwa yeini da pachat ko hakhmat ka School Managing Committee (SMC), kiwa sikai wa ki manbei manpa wa ka chnong.
Ka Niawki da yoh pdiang ko ya kani ka khusnaam na u Ramesh Pokhriyal Nishank uwa man kam u montri ka Human Resource Development yong ka sorkar pyrdi.
Kam wow pynkynmoo heini, ka Niawki man ko du ka kawa sikai kawa da yoh pdiang ya kani ka khusnaam na kani ka jylla.
Discussion about this post