Shillong: Neidaw wa em 3 ngut kiwa yoh COVID-19 ha ka yung Rani Building wa em ha Block-D, Madanrting, iwa em 52 tylli ki manyung kiwa sah jar jiar tangwa yajan kawi na kawi wei da em leh du iwi i thaw psiah thaw mih cha kani ka yung (Building), wei yow ye u leh yei booddien deiwa biang, u leh yaki Test wei yow khanglaad leh nei poor uni u khñiang.
Ka District Magistrate, East Khasi Hills District, Shillong da pynmih hukum ko ynne ka sngi yow pynbna ya waroh kawi ka Building kam ka Containment Area yow khang yei psiah i mih wa khlem da yoh bor cha kani ka thaw.
Katkam ka hukum, waroh kiwa em hapoh kani ka yung u neh bait ki hapoh katwa kiwa na lait ym chah wow psiah ki chapoh kani ka yung.
U Incident Commander, Zone-VI, Shillong daw pyntikna u wa da bood yaki kyndon wei ya kiwa leh pyrchah daw pynchitom katkam ki kyndon ka aiñ Disaster Management Act, 2005 waka IPC.
