Chah pynngat mukotduma ka Ampareen, u Additional Secretary wa kiwi ha ka CBI hei yatoh wa i thungkreh ya kiwa sikai

Shillong: Ka CBI da pynngat mukotduma ko ya ka Montri PWD ka jylla ka Ampareen Lyngdoh wa u Additional Chief Secretary u P.S. Thangkhiew hajrong wa da suba wa emkti ki wow pynkylla ya ka Score Sheets kiwa yaleh kreh kaam yong kiwa sikai ha u snem 2008-09.

Ka CBI da leh ko ya ini katkam ka hukum ka Meghalaya High Court, wei da booh FIR ki hapoh ki kyndon ka IPC pyrchah ya ka Ampareen kawa man kam ka Montri ka tnat puræ puthi ha i por wa leh ya ini i kaam wa ya u Thangkhiew, IAS (1984-Batch) uwa man kam u Principal Secretary Education ha i tu i por da pyntip ka CBI.

U Thangkhiew katni ksoh u kam u Additional Chief Secretary uwa pait ya ka tnat Home Department.

Ka CBI da booh pyrtuid ko ya ka tnat Directorate of Elementary and Mass Education wa kiwi ki bru ki wym pu tipmit ha kani ka FIR.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Meghalaya High Court ha ka 02-11-2017, da hukum ko ya ka CBI wow chimkti noh ya ka takit na ki pulit heiyatoh wa ini i kaam waroh ha wow chemtre yeiwa jia heipor yaleh kreh Assistant Teacher ha ki Lower Primary Schools hapoh ka jylla ha u snem 2008-09.

Da pynbaad wa ka Ampareen wa phah ko ya u J.D. Sangma, uwa hei tu i por wa man kam u Director, Elementary and Mass Education, wei ha itu i por ki arngut kiwa kyrchaan ya ka da pynkylla ki ya ki marks yong kiwa yakhun ya kini ki kaam sikai deiwa biah da i sia lieh yow pynku wei wow pynhiar ya ki marks kiwa yaleh kreh katkam wa yoo biang ki.

Ka ujor ka CBI da ong ko wa u Sangma da leh u yeini deiwa krehkaam leh wa kiwi ki MLA heiwa da pynkylla ya kiwa boon ki marks.

Ka Meghalaya High Court da ong ko wa da che wa ki pulit ym ye ki u pyndep ya kani ka takit wei ym ye u chaniah ya ki wow pynchitom ya kiwa emkti kamtæ da chaniah ha ka CBI donhi wow pyndep ya ini i kaam.