Jowai : katkam ka khubor wa da yoh, kawi ka bru kawa da tip kam ka kong B. Laloo (da murieh yei pyrtuid) na kawi ka dong ha Jowai, da kynnoh ko wa ha u Naiynru uni u snem da chah tooh ka phone ko ha uwi u bru yow wa da tip kam u Almas Uddin.
Hadien wa chah tooh ka phone ko uni u bru da dawa poisa u na ka deiwa pyntieñ u, wa daw booh u yei dur yong ka cha internet neibhah da dep chna account tooh u hei pyrtuid ko ha Facebook wa ha Whatsapp wei da maham u wow pynchna (edit) yei dur yong ka dep tæ yow booh u ki heitæ.
Hei yatoh weini ka kong Laloo da dep ujor ko leh cha ki bor pulit yow leh ki yeiwa emkaam.
Neiliang u WYRTA kyntu joor u ya ki paidbah wa emkaam u man ki kiwa husiar hei yatoh wei kaam mobile phone, neibhah boon kam ini jia, da jia i neidaw wa khaler i waroh. Kamtæ kyntu joor i wa manda dai ya ki phone wow sai ya ka memory card, wei yow yait nei chondur khlemakor neibhah ym tip i yi wow jia hadien habood neibhah wat hadien wa da dep delete dang ye u pynmih (recover) ya ki dur da ki software wa boon jait.
Discussion about this post