Chah pynyap u Raja da ka wait wa dang thymme: SP

U Superintendent of Police ka East Khasi Hills, u Vivek Syiem da pyntikna u wa u Raja Raghuvanshi chah pynyap u, heiwa da pyntip u leh wa ka wait (Dao) wa da pynemkaam da chem ka ynne ka sngi deilang wa ka Mobile Phone u Raja.

Hawa kylli, u SP da ong u wa ka wait kawa da yoh kem toh kawa suk u yoh wei kawa ye u thied leh Online.

Katkam wa ong u SP wa ini i chah pynyap toh ye u man na kiwa boon ki daw wei ye u man toh kawa da pynkhreh chwa (Homicide).

Da ong u wa ki pulit nadooh ynnin ka sngi ym em kyntait ki wa ini i toh i chah pynyap wei ya kani ka wait da chem ynne ka sngi pyn najan i thaw wa chem yei metyap wei man ko kawa dang thymme ya kawa da suba wa pynemkaam yow pynyap ya u Raja Raghuvanshi.

U SP da ong u leh wa hadooh kattæ ym pu em ye wow pyntikna wa lada pynyap chwa ya oo chwa wow noh cha riat næ noh chwa ki oo wei hadien won pynyap ki da ka wait, deiwa pynrap wa yeini daw tip hadien wa yoh ya ka Post-Mortem Report.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Heijooh i por u Vivek da pyntip u wa ki pulit da chim ki ya kani ka takit kawa hakhmat dooh wei wow kreh chitom yow chem yeiwa sakhiat waroh.

Da pyntip u leh wa ynne ka sngi ki pulit ka SDRF wa NDRF da hiar biang ki cha riat ha thaaiñ Wei Sawdong yow thooh ya ka Sonam tangwa ym pu chem hadooh kattæ wei mynstep ka sngi daw pteiñ biang yei thooh.