Chah rah bor ki le ngut ki nong India ha ka seiñ kieñ suloi wa emyatoh wa ka Al-Qaeda

Le ngut ki nong India kiwa kreh ha kawi ka karkhana wa em ha ka ri Mali kawa em ha West Africa da chah rah bor ki ha ki bru kieñ suloi kiwa embynta wa ka Al-Qaeda wei yeini da pyntikna da ka Ministry of External Affairs (MEA) ka ri India.

Ini toh iwa da jia ha ka 1 tarik heiwa kini ki bru wa rah suloi da psiah ki cha kani ka karkhana wa em ha Kayes, Mali wei da rahbor ki ya kiwa kreh.

Ki bru wa da emkti ha ini toh ki yong ka Jama’at Nusrat Al-Islam Wal-Muslimin (JNIM) kiwa krehlang wa ka Al-Qaeda kiwa da leh ki kaam damok ha kiwa boon ki thaw ka ri Mali.

Neiliang ka MEA da beiñ ko yeini wa jia wei da dawa ko wow pynlait ya kini kiwa chah rah deiwa kyntu ya ka sorkar ka Mali wow chimkhia yeini.

Related posts

Dei pyrtuid Raja e ka yung ka sem ya u khonboo wa kha nyngkong hadien wa yap u Raja Raghuvanshi

March 31, 2026

Wan hiar paidbah ka Huroi wa Lahalein cha Jowai wow pyrchah yei e Sanad ka JHADC ya ka Umpyrshin

March 31, 2026

Da kyntu leh ya kiwi kiwa na India kiwa em ha Mali wow man ki kiwa syndong.