Ynne ka sngi da em i chah thang kawi ka kari pulit ha Shillong kamjooh da em leh i chah kawang moo ki kari wa lai luti.
Ka kari wa chah thang toh kawa da suba kawa da chah knieh ha ki bru wym tipmit na ki pulit hadien wa dat moo ya ka ha Mawlai Mawkynroh hajan ka Mawlai Bypass wei kani toh ka kari ki pulit ka Mawkynroh kawa em ya u Number ML-05F-3013.
Da chah tympra leh ka Gate kani ka Outpost.
Ka khubor wa da yoh lum da ong wa ini da jia i heipor kamwa 1:00 hadooh 1:30 i sngi heiwa da em kamwa 6-7 ngut ki pulit hapoh kani ka kari kiwa da yut wei da ieh ki leh ya ki tiar ki tar hapoh kari wa kynthup lang ya ka suloi.
Ya kani ka kari da yah ya ka da ki bru wym tipmit kiwa da tymmoh yei khmat yong ki deiwa uiñ da kani ka kari ha ki bynta ka Shillong heiwa da thang ya ka ha Jaiaw.
Da em leh ka khubor wa da ong wa da em ki kari wa lai luti ha u sarok Guwahati-Shillong kiwa da chah dat moo.
