Chah rahbor kawa lai Coaching yow yaleh NEET: Rs. 30 lak chah dawa u pa

Ka chnong Kota wa em ha Rajasthan kawa pawnaam yei em ki Coaching Centre ya kiwa yaleh ya kiwa boon ki Exam hapoh ka ri, da bna naam ko leh kam ka thaw wa jia boon iwa sñiawsih ya ki khynroo khyllood kiwa da wan cha kani ka thaw yow yoh sikai heiwa da em boon leh kiwa da pynkut yei mynsien ki tangwa ha kani ka kynti won da em kawi kawa da chah rahbor heiwa kiwa rahbor da dawa ki Rs. 30 lak yow pynlait ka.

Kani ka kynthai toh kawa na Shivpuri, Madhya Pradesh wei da chah rahbor ko haka 17 tarik uni u bnai heiwa kini ki bru da phah ki yei dur ko wa da chah kdoh ko kti wei kjat da u tylli wei yei ktien won da kdoh da ka that.

U pa kani ka kani ka kynthai da khana u wa ka khon u toh kawa chah sikai ha kawi ka Coaching Centre wa em ha Vigyan Nagar wei da sah yung wai ko pyn hajan kani ka thaw wei hei miet ka 17 tarik da yaklam ko wa oo hadien wa pyndep ya kawi ka Test ha kani ka Coaching Centre wei haka sngi wa bood da yoh u yei dur wa da chah kdoh ko deilang wa i dawa poisa na kini ki bru wa rahbor ka.

Da pyntip u leh wa kini ki bru da e ki leh yaka Account Number yow phah ya kani ka poisa.

Related posts

Chah siat yap ka Influencer ha yung wa sah ko

June 3, 2025

Da wanrah ya u Himan Gogoi cha Shillong

May 30, 2025

Kani ka kynthai toh kawa dang pynkhreh yow yaleh NEET wei da lai sah ko ha Kota nadooh u Naikhynde, 2023.

Neiliang ki pulit leh da pyntikna ki yeini wei da ong ki wa ka takit toh kawa dang lai chakhmat yow pynlait ya kani ka kynthai wei da pyntip leh wa kini kiwa rahbor da maham ki wow pynyap ka lada ym su yaka poisa.