Uwi u YouTuber uwa na South Korea uwa tip kam u Let It Go Jay da pynbaad u wa da chah rahbor u heipor wa uiñ u da ka Cycle ha India ha ka thaaiñ ka Leh iwa man leh i thaw wa ka’it bha ki bru wow lai leh Trekking.
Uni u YouTuber toh uwa da rai wow lai da ka Cycle 450 Km wei ini da yah ya oo wow maad u yeini wym poi pyrkhat.
Uni u bru da khana u wa neidaw wa ngiah ware u yah Cycle da boon sngi, kamtæ da bien u wow ku ha kawi ka Truck kawa da tyrwa wow kit oo wei da mynjur u neidaw wa mut u wa da jan poi chei thaw wa mut u wow lai.
Manda em u hapoh kani ka Truck da yoh thiah u wei manda khyrngiat dapoi ki chei thaw wa lyngam bha wei kini ki bru wa tyrwa wow yarap oo da kær kut ki oo deiwa maham wow dat oo lada ym su poisa wei da mut ki leh wow tooh ya ka Phone, Camera wa kiwi de ki tiar u wei da pynbor ki ya oo wow dih ya i kynja dawai.
Ha ini i por da pynleh u kamwa dih ya ini i dawai tangwa da pynbor ki oo wow dih biang sa chisien heiwa da syuiñ u boon kynta bha tangwa da ye u wow kynjoh ktien ya uwa tipmit u wei hadien 30 kynta wa ksoh kini ki bru da pynlait ki deiwa su poisa u ki.
U Let It Go Jay da lai pyntip u yeini cha ki pulit heiwa da yoh wow kem ya kini ki bru.
Discussion about this post