Chah rahbor uwi na Jaliyah

Jowai : Uwi u bru uwa sah ha Sohkymphor da ujor u cha ki pulit wa chah rahbor u diah uwa tip pyrtuid kam u David na Jaliyah East Jaiñtia Hills.

U payu uni u khynnah wa tip pyrtuid kam u Stain da ong u wa ha i step ynne ka 2 tarik heipor 7 waje da yoh phone u na uwi u bru wa kam pyrtuid u u Ram na Lad Rymbai heiwa da kam u wa da rahbor (Kidnap) u ya u diah u na i thaw sah u ha ka chnong Jaliyah.

U Stain hadien wa yoh u ya kani ka phone da phone u wut wut cha u diah u wei da jubab phone u deiwa ong wa em ki bru wa maham ya oo leh kamjooh leh da rahbor ki oo.

Kamtæ u Stain da phone u cha u lok u wa ya khayi mooyong lang ki uwa em ha Lad Rymbai uwa tip kam u Ramu yow paan yarap na oo tangwa uni u bru leh da suba wa emkti u hei wow rah bor ya u David neibhah uni u bru da ong u wa lada ym e u T. 3,00,000 daw tynyap ki oo u diah yong u.