Soo ngut ki bru da dooh ki yei mynsien ki wei boon ngut kiwi da wiar ki hadien wa heh um syndet neidaw wa haap u slap wa joor bha (Cloud Burst) ha ki bynta wa naneiñ ka wah Kheer Ganga kawa da hiar dei boor wa joor bha cha i chnong Dharali wa em ha Uttarkashi District ka jylla Uttarakhand iwa da jia ynne i sngi heiwa ini i chnong da chah rah chah rong wei da chah tymmoh i.
Ki Video wa da poor wa da yoh u riñ heipor wa jia ini, da yoo chyrkhei i wan ka um waheh kawa kitlang wei khyndaw wa u moo wei da lymbub wei thamoi ko ya ki yung ki sem wa em ha rood ka wah.
Neiliang u Uttarkashi District Magistrate, u Prashant Arya da pyntikna u yeini wa em wa yap ki soo ngut wei kattæ dang chim yukheiñ yow tip hadooh katwon wa da chah ktah.
Ki dur ki dar wa da mih da yoo ya ki yung ki sem kiwa da chah tymmoh wa em hapoh kani ka chnong.
Da pyntip wa deilang ki Army da phah leh ya ki bru ka National Disaster Response Force (NDRF) wa State Disaster Response Force (SDRF) yow lai yarap ya ki bru wa da chah ktah.
Katkam wa man kattæ da ong wa ye u em ki Hotel, ki Homestay kiwa da chah tymprai phrai na ini i chlai um.
Da em leh kamwa 10-12 ngut kiwa wan kreh mylla kiwa da suba kiwa da chah ban ha ki moo wa i khyndaw.
Discussion about this post