Shillong : I chah thok ki paidbah khamtam ha kiwa phone wa kam wa kreh ki ha ki bank dang joor i kat dang mih ki sngi, ha kani ka 12 tarik heipor kamwa 6.30 i janmiet, u R.K Sharma da yoh phone u na uwi u bru uwa kam toh uwa kreh ha bank na Mumbai uwa da paan yutip chaphang ka ATM u wei hadien ini da wiar T. 50,000 na ka account u Sharma.
Ha ka 10 tarik won heipor 6.30 i janmiet u Noresh Bhusal na Nongmynsong, Shillong da yoh phone u na u bru uwa kam toh uwa kreh ka SBI Customer Care wei da kylli u chaphang ka ATM wei hadien ini da chem u wa da wiar T. 80,000 na ka account u.
Ha ka 8 tarik ka Krishna Seal na Nokil A’we, Williamnagar (EGH) da yoh phone ko na uwa kam wa kreh u ha SBI wei oo leh da kylli chaphang ka ATM ko wei du hadien ini da yoh ko le tylli ki message ha phone wa ong wa da sai poisa ko na account yong ka.
Hei yatoh wa ini ki pulit da register ki ya ki case wei dang pynman ki ya i takit.
Neiliang ki bor pulit dei langær pyntip ki cha ki paidbah wow husiar ki hawa yoh phone ki na ki bru wa kam watoh kiwa kreh ha bank kiwa tot chaphang ki ATM yong ki wei ym hoi u pyntip iyi iyi chaphang ka ATM wa ki Bank Account.
Also Read: Chah lute ka bru kamwa T. 50 hajar lyngba ka phone
Discussion about this post