Ha iwi i Video wa da poor bha kattæ, da yoo ya uwi u bru wa tip kam u Mayanglambam Rishikanta Singh uwa da kyrpaad ya kiwa ksoh oo yow pynlait im tangwa da chah siat u da ka suloi AK na khlieh pyn hajan hiwot.
Ya ini i Video da pynlait da kini ki bru wa kieñ suloi iwa pynyoo yeini wa chah pynyap u Singh uwa man kam u Meitei wei hei Video da thoh ki ya ki kyntien wa ong “No Peace, No Popular Government”.
Ini i Video da riñ hei meit wei u Singh da yoo wa dem u dei khliehkyrsu deiwa ngooh wei wyrchaw kti yow kyrpaad ya kini ki bru wa rah suloi wow wyrai tangwa da che syndet i pdung kuli na ka AK wei da siat ki oo kamwa ar-le sien.
Ini i thaw wa jia toh ha Churachandpu District ka Manipur iwa jngai 65 Km na Imphal wei ka kurim u Singh toh ka Chingu Haokip kawa man kam ka Kuki.
U Singh toh uwa na Kakching Khunou Valley, uwa kreh ha Nepal wei da liwan yung u ha ka 19 tarik deiwa yoh chuti. Ka kurim u da chim bor ko na ka seiñ wa em ha i thaw wa sah ko tangwa hei miet ka 21 tarik da lai sai oo na yung u wa em ha thaaiñ Tuibong wei da siat ya oo ha road ka chnong Natjang.
Ka seiñ Kuki National Organisation (KNO) da pynche ko wym em tip ko yei wan u Singh wei ym em emkti ko heiwa jia heiwa ym jooh leh pynchitom ya ki kurim ki bru na kawon kawon ka jaitbru. Ka KNO man ko leh kam sa satri ki seiñ kieñ suloi ki Kuki kiwa da soi ya ka Suspension of Operations (SoO).
Ka seiñ United Kuki National Army (UKNA) ka wym em hapoh ka SoO leh da kyntait ko yeiwa emkti heini wa jia ya u Singh.
Yei metyap u Singh da lai rah cha Hospital heipor 1:30 i step.
Kam wow pynkynmoo wa i kynaad hapyrdi ki Kuki wa ki Meitei toh iwa da sdang nadooh u May 2023.
Discussion about this post