Hadien wa yoh ya ka yutip wa paka na ki pulit wa kiwi ki chnat e buit wa daw em i wan psiah tooh ki damok kieñ suloi chapoh ka ri ha Macchal Sector, neiliang ka Indian Army wa ki pulit ka Jammu and Kashmir da yang khap ki ya kini ki damok.
Ynnin i step heipor kamwa 7:30 hapyrdi u slap wa joor ki chipai da yasiat ki wa ki ar ngut kini ki damok hajan u Line of Control ha Tekri Nar, Macchal.
Na kini ki damok da chem ya kini ki tiar hawah:
AK 47- 02
AK Magazine-06
AK 47 Rounds-53
Hand Grenade-04
Pistol-02
Pistol Magazine-02
Pistol Rounds-35
Ka poisa Pakistan:
Rs. 1000 (le tylli)
Rs. 500 (ar tylli)
Rs. 50 (ynñiaw tylli)
Neiliang u sahep ka Indian Army, u Brigadier Vinod Negi da ong u wa man ki kiwa da pynkhreh bha ha iwon iwon i por wow yakhun pyrchah ya ki damok kieñ suloi wa wan na Pakistan.
