Ka khynnah kynthai wa dang puræ Class IX ha Mt. Moreh High School, Canan Veng da chah siat yap ko ha uwi u dkhot ka seiñ kieñ suloi wa tip kam ka KNA ha chnong Moreh wa em ha u pood ka India waka Mynanmar ynne i step heipor kamwa 5 waje.
Ya kani kawa chah siat ta tip pyrtuid kam ka Nengneingah Khongsai wei katkam ka ID wa chem ha ka da thoh wa ka toh kawa dang 13 snem.
Ya uwa siat da tip kam u Seikhosat Haokip wei da sin ya oo leh kam u Sasat Haokip u dkhot ka Kuki National Army (KNA) uwa man kam u wa sonteri ya u heh ka KNA.
U pa ka khynnah wa chah siat da ong u wa Seikhosat da psiah u ha yung yong ki heipor 5 waje i step wa kwah um dih u. Ka Nengneinagh heini i por emlang ko wa ka diah ha iwi i kamra katwa ka bei ki wa u payu ko dang thiah ki ha kiwi jar jair ki kamra yong ki.
U Seikhosat da sai pistol u syndet syndet wei da mang u ka ha ka Nengneingah wei da maham u ka leh wa ym hoi u awri ko wei da siat u ka na thnga. Hadien ini u Seikhosat da yut u na ini i yung.
Ka bei kani ka khynnah wa u payu ko da khyrngiat ki neini i pdung ka pitol wei da chem ki ya ka Nengneingah wa da khlaad ko.
Neiliang ka KNA da kem ko ya uni u dkhot yong ka wei da e kti ki oo cha ki pulit ka Moreh kiwa da kem ya oo.
Ki pulit won da khang ki ya ki paidbah wa kiwa thoh khubor wow chondur ya uni u dkhot ka KNA wei hadien wa poor ka khubor da wan mih ki paidbah kiwa khang ya ki pulit wow kit ki ya uni uwa tynyap bru cha Imphal.
Discussion about this post