Chah siat yap u dkhot ka seiñ NDFB(S), da yoh khyrrup leh chiboon ki tiar yaleh

Uwi u dkhot ka seiñ damok NDFB(S) da yap u hadien i yasiat wa ki pulit ha Chirang, District ka Assam ynnin ka 5 tarik.

Ini i yasiat katkam ka yutip na ki pulit da jia i heipor 12:30 i pyrdi synyaaw ha chnong Dwimalupara kawa haap hapoh ka Runikhata Police Station.

Da ong wa uni u damok wa tip kam u Sansula Basumatary ya uwa khut sin kam u B. Sotbangsha uwa man u leh u Platoon Commander ka 16 Batallion kani ka seiñ.

Na i thaw wa chem ya oo da chem leh ya 2 tylli ki 7.65 mm pistol, 2 tylli ki 7.65 mm Pistol Magazine, 2 tylli ki Hand Grenade, 15 tylli ki kuli 7.65 mm Pistol, wa kiwi kiwi.