Chah siat yap u heh ka GNLA u Sohan D Shira

Tura: Ka khubor wa yoh na ri-loom Garo da ong wa ki pulit da siat yap ki ya u Sohan D Shira ynne i step ha i thaw wa tip kam i Dobu A’chakpek iwa em kamwa 35 Km na Williamnagar.

Neiliang ki pulit ym pu em bien ki u pyntikna wa da chah sit yap u Sohan tangwa ong ki wa em hi i yasiat.

Kam wow pynkynmoo hadien wa khlaad u kyrtong ka NCP na Williamnagar, ki pulit da pynjoor ki yei kdong ya ki dkhot ka GNLA kiwa suba wa emkti ha kani ka kaam.

Daw pyntip chooh cha phi katwa dang yoh khubor.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

(Update)

Ki pulit da pyntikna ki wa ki pulit ka SF-10 ynne i step hadien wa yoh yutip ki yei thaw rieh u Sohan da lai cha ini i thaw wei manda poi da em wa siat ki wei ki leh da pynuiñ kuli ki.

U Sohan D Shira ha u snem 2007 da dep wan pyndem u ha khmat ka sorkar heipor wa man u kam u Area Commander ka ANVC tangwa neidaw wym ye ka sorkar u leh yeiwa kular ko ya kiwa wan pyndem ka ANVC, u Shira wa u Champion Sangma uwa jooh man kam u DSP ka jylla Meghalaya da sdang ki ya ka GNLA.

U Champion toh uwa da yoh kem ki pulit.