Jowai: Kawi ka khynnah kawa dang 16 snem i rta da chah slaitbor ko ha uwi u bru wa tip kam u Bikrom Lamare uwa 40 snem uwa na ka chnong Dona Skur, East Jaiñtia Hills.
Uni u bru toh u Secretary Chnong kamjooh leh u Headmaster ka U.P. School Dona Skur.
Ha ka 30.04.2017 heipor 5 waje i janmiet hapoh ka chnong, u Bikrom da slaitbor u ya kani ka khynnah hapoh yung yong oo wei da maham u ya kani ka khynnah wa lada khana bru ko yeiwa jia daw tynyap u ka.
Neini i daw slem kani ka khynnah u wan cha khmat tangwa dei yarap ka Ri Jaiñtia Youth Federation (RJYF) kani ka khynnah da lai booh FIR ko pyrchah ya uni u bru ha ka 05.06.2017 ha Khliehriat Police Station.
Ki pulit da kem ki ya u Bikrom pyn ha ka tai ka sngi.
Neiliang ka seiñ da dawa ki na ki bor yong ka aiñ wow pynchitom ya uni u bru wei ym toh u e jamin ya oo, pynkut ka khubor na u Secretary ka seiñ RJYF-CB u E.N. Pale
Discussion about this post