Ar ngut ki kynthai wa kynthup ya kawi kawa uiñke suwari kawa wan na ri Israel kawa 27 snem i rta wa ka tre yong kawi ka Homestay kawa 29 snem i rta da chah slaitbor ki wei uwi won uwa uiñke suwari uwa na Odisha da yap u hadien wa chah khungiat u hapoh ka wah Tungabhadra iwa da jia ha i thaw wa em hajan Hampi, Karnataka ha ka 6 tarik uni u bnai.
Yei metyap uwa na Odisha uwa tip kam u Bibash (26 snem) da chem ha ka 8 tarik.
Yeini da leh da le ngut ki bru hei miet heipor kamwa 11:30 heiwa ki pulit da yoh ki wow kem ya ar ngut wei da tip ya kini kam u Sai Chetan wa u Mallesh kiwa chong chnong ka thaaiñ Gangavathi.
Kini kiwa uiñke suwari da em ki waroh 5 ngut kiwa ar ngut ki chynrang kiwa na Odisha, kawa na Israel, uwi na US wa uwi won na Maharashtra wei da lai ki cha ini i thaw deiwa yah luti ka kynthai na ka Homestay wa sah ki yow lai pait khloor.
Ki bru wa leh ya ini i kaam da wan ki ha kini ki thaw da ka thuk-thuk deiwa kylli luti yow lai cha Petrol Pump heiwa ka tre ka Homestay da ong ko wym em Petrol Pump cha kani ka thaw, kamtæ da sdang ki wow dawa poisa wei hadien wym bien ki u e, da sdang ki wow dat ki kini ki bru wei da khungiat ki ya kini ki chynrang chapoh ka wah wei da slaitbor ya ki ar ngut ki kynthai.
Ar ngut ki chynrang da ye ki wow yimpa katwa uwi won da yap um u.
Kini ki bru hadien wa leh ki yeini i kaam da tooh ki leh ya ka ar tylli Mobile waka poisa kawa Rs. 9,500.
Discussion about this post