U Nantu Das uwa man kam u Assistant Director of Physical Education & Sports ka NEHU uwa da chah pynbaad wa jrong kti khlem akor ko ya kawi ka kynthai wa lai puræ ha kani ka skurbah da chah beh kreh noh u chipor.
Ha ka hukum wa da pynmih da ka NEHU haka 22 tarik, da ong wa u Nantu Das da dep chah kem u ha ki pulit palat 48 kynta haka 19 tarik uni u bnai yow takit yeini wa da chah pynbaad wa tyngkheiñ aiñ u.
Kamtæ katkam ki kyndon aiñ Sub-rule (2) ka Rule 10 yong ka Central Service (Classification Control and Appeal) Rules, 1965, ya u Nantu Das da beh kreh chipor (Suspended) hadooh wa da pynmih hukum da kamwi.
Kam wow pynkynmoo wa u Nantu Das da lai choo u ya kawi ka kynthai na Umshyrpi wei da sdang u wow jrong kti ka hapoh kari wei manda poi ha Kiang Nangbah Guest House NEHU da sdang biang uw wow jrong kti wei neiliang kani ka kynthai da ya ksaaid ko da yoh ko u lait ko nei chah thombor.
Discussion about this post