Hadien wa poor i Video ynnin ka 14 tarik ha ki Social Media wa uwi u pulit wa man kam u ASI uwa tip kam u Th. Hitler Singh ka Reserve Line, Kangpokpi Police, Kangpokpi District, Manipur da tba kti u ya uwi u bru paidbah uwa yah Truck deiwa dat ya oo hadooh wow sai u leh yaka Pistol pulit u yow mang ka ha uwa yah truck, ynne da pynbna da u SP ka Kangpokpi wa ya uni u pulit da pyndam kreh ya oo chi por (Suspend).
Ini da jia i ha Kangpokpi Bazar heipor 3:30 i step haka 14 tarik wei katkam wa pyntip u SP Kangpokpi, u PH Maheshnaraian, IPS, ini i leh leh uni u pulit da pynbood naam ko ya ki pulit wei da beiñ joor u ya ini i leh uni u bru iwa man ym ye u pdiang. Wei u leh ki katwa ye yow pyntikna wa ini i jooh ym jia de i, wei lada jia daw pynchitom ya kiwa emkti.
Neiliang ka Kuki Students’ Organization Sadar Hills da ong ko wa du wow Suspend ya u ASI Th. Hitler Singh da sñiaw ki wa man ko i wym biang ya kam uni u jait pulit wei toh u pyndooh kreh syndon ya oo. Da ong leh wa i sai pistol u booh ko yei maa ya ki paidbah waroh.
U KSO Sadar Hills President, u Thangminlen Kipgen da ong u wa ini i leh embor uni u pulit nachwa da dep jia i wei da em leh ki ujor pyrchah ya oo wei man u u bru wa booh yei maa yaka imlang sahlang wei iwa bha dooh toh wow pyndooh kreh noh ya oo chisyndon.
Ka Kuki Inpi Kangpokpi District leh da kyrchaan ko yei sñiaw ka KSO Sadar Hills ya i leh u ASI Th. Hitler Singh kamjooh leh ka Kangpokpi Youth Union deiwa ong leh wa ym toh de wow booh ya oo hapoh ka chnong Kangpokpi.
Ya ini wa jia ye phi u pait ha ini i Video ha wah:
Discussion about this post