Chah thaad kawi kawa na Shillong ha kiwa chna ya ki Social Media Account thok

Kawi ka kynthai kawa na Meghalaya da ujor ko wa ha ka 9 tarik uni u bnai wa da Click ko ha kawi ka App wa e ram wa tip kam ka ‘Cash Rupee’ yow chim ram Rs.3,798 heiwa da yoh ko Rs.2,278 ha ka jooh ka sngi.

Kamtæ ha ka 15 tarik da yoh ko ya u QR Code yow su Rs.1,823 wei da yaleh ko wow su boonsien tangwa ym chah ka GPay neidaw wym ye u chaniah ya i Account wa su ko. Hadien ini da chah Phone ko ha ki bru wa e ram kiwa da dawa wow su poisa ko wei neidaw wym poi ka poisa da phah ki dei dur wa khlem akor heiwa da booh ki dei dur yong ka ha u WhatsApp wei da pynthut ki ka boonsien deiwa Phone ka.

Ha iwi won i jia, kawi ka kynthai na Shillong da ujor ko wa ha u July uni u snem da em ki bru wym tipmit ko kiwa da chna ar tylli ki Facebook Account deiwa booh dei dur ko wei kini ki Account toh hei pyrtuid ‘Ruhi Kumar’ wa ‘Rose Kumar’, khlem da tip ko.

Hadien ini won da em wa pyntip cha ka ha ka 19 tarik u August da u bru ha Instagram wa kini ki bru wa chna ya ka Account thok da phah Message wei da leh Video Call ki oo deiwa khlem akor na ka Account ‘Ruhi Kumar’ uwa da Link wa kawi ka Instagram Account wa da chah pyndam da ka Instagram hadien wa ujor ko.

Related posts

Dang em ki kattu katni ki khon ka Ri-loom Jaiñtia wym tip ki wa ki toh ki Indigenous Tribe: Lasky Rymbai

March 20, 2026

I sarom ya ka JHADC wym em ka Website wa krehkaam pynsñiaw ki MDC Liang Pyrchah

March 20, 2026

Sa uwi won uwa chong wa sah ha Shillong da ujor u wa ha ka 22 wa 23 tarik u Naikhynde, da yoh Phone u na ki bru wym tipmit kiwa da kam toh kiwa kreh ka SBI Yono heiwa da khana ki wa yoh u ya ka ram wa Rs. 1.5 lak na ka SBI Yono wei da phah ki leh wow thied ya kawi ka Health Insurance yong ka Bank deiwa su Rs. 5,572 yow yoh ya kani ka Loan heiwa da leh u.

Hadien won tip u wa ka Bank ym em leh ko yeini wei da em wa pynkylla ya ka Phone Number u wa pynemkaam u neibynta ka SBI Yono Account u.