Chah thang ka Bus wa kit ya ki CRPF ha Manipur

Hei miet ka 17 tarik, heipor kamwa 8:30 kawi ka Bus kawa kit ya ki chipai CRPF da chah pynsangeh ko ha ki paidbah wei da chah thang ko ha Kangpokpi Bazar ha Kangpokpi District ka jylla Manipur wa boon ki jaitbru Kuki.

Kani ka Bus toh kawa em Number MN-06B-0463, da mih ko na DC Kangpokpi cha Kangpokpi Police Station heiwa da pynsangeh ya ka da ki paidbah ha Kangpokpi Bazar deiwa pynbaad wa kani ka Bus toh ka yong ki jaitbru Meitei wei da phah hiar ya kiwa em hapoh chwa wow thang ka.

Neiliang ki pulit mar ya tip yeini da lai ki wut-wut cha ini i thaw tangwa ki paidbah kiwa em kamwa 2,000 ngut da kah ki ya u sarok. 

Hadien kattu katni por da ye ki pulit wow beh ya ki paidbah wei da ye u taan ya kani ka Bus cha i thaw wa chngaaiñ.

Kani ka Bus toh ka yong u bru samen wei toh kawa da chim wai na uwi u jaitbru Meitei.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Ki chipai ka CRPF, BSF, ITBP wa RAF da poi ki cha kani ka jylla hadien ka Election Duty ha kylleiñ ka ri wei da sah ki ha ki skur wa ki College wow wanrah biang yei chongsuk ha kani ka jylla.

U Montri ki kaam pohyung ka ri, u Amit Shah ha ki sngi wa dadep da hukum u wa ymtoh de u mih i awri hapoh ka jylla la ha iwon iwon i dur.