Shillong: Kawi ka kari sorkar da chah thang ko ha ki damok heipor kamwa 4:50 ynne i janmiet kawa em u No. ML-01 5971 heipor wa em ko ha phrang ka Mahari Petrol Pump heiwa da chah pakhot Petrol Bomb ko.
Katkam i khana uwa yah ya kani ka kari u R. Mawroh oo da khana u wa em duty u wow yah ya kani ka kari ka yong ka tnat Agriculture toh neibynta ka Standing Committee yong ka Public Service Commission wei da pynemkaam ya kani ka kari da ka tnat District Seri-Culture Officer ka R.B. Lyngwa.
U Mawroh da khana u wa heipor wa wan u na Mawlai syndet syndet nei sahkut kari da mih soo ngut ki bru ki wym tipmit kiwa ksoh klong kiwa da phah hiar ya oo wei lada ym hiar u da maham ki wow thang ya oo leh chirup.
Da khana wa hadien ini ki damok da pakhot ki ya u Petrol Bomb wei da yut noh ki na ini i thaw.
Neiliang ka W.B. Lyngwa da ujor ko pyrchah yeini ha ki pulit ka Lumdiengjri Police Station wei neiliang ki pulit dang thooh ki ya kini ki damok.
Discussion about this post