Chah thang ki luti rel ha France chwa wow sdang ka Olympics ha Paris

I lai ki rel ha France da chah pynthut i hadien wa chah thang ki luti wa pynemkaam ki High Speed Train ki wow lai cha nongbah Paris.

Ka karkhana rel ka France ka SNCF da ong ko wa ini toh deiwa em kiwa leh khnang wow pynthut yei lai i wan du da ki kynta chwa wow sdang ka Olympics ha Paris ynnin ka sngi.

I chah hiar thma ki luti rel da pynthut i yei lai i wan yong kamwa 8,00,000 ngut ki bru wei jia i chwa wow sdang ka Olympics ha River Seine, Paris.

Hadien ini, ka SNCF da pynbna ko wa daw slem i lai i wan ki rel neibhah boon ki rel High-Speed TGV da hap wow pynkylla luti ya ki cha ki luti warim.

Chooh chooh ka Eurostar Service kawa pynyabi ya ka London wa ka Paris leh da thut i lai i wan ki.

Related posts

Khut sñiawbha ka Seiñ Raij Tuber cha ka Behdieñkhlam 2026 | Da booh kyndon leh ya kiwa wan chongdai

July 13, 2026

Hapoh ka aiñ POCSO da pynngat ya u Nurse ka NEIGRIHMS uwa jrong kti ya ka kynthai kawa dang dep chah pooid

July 13, 2026

Hawa sdang kani ka tayaaw ka British Embassy da ong ko wa palat 5,00,000 Ticket da dai cha ki nong Britain ki wow lai sakhi ya ka Olympics ha France.

Neiliang kiwa kreh ka SNCF da sdang ki wow chna biang ya ki luti rel kiwa da chah ktah. 

Ka France kam chibynta wow pynkhreh wa ka Olympics man ko kawa lai bait, da booh ko 45,000 ngut ki pulit, 20,000 ngut ki Private Security Agent wa 18,000 ngut ki chipai.

Chooh chooh da ong wa em kiwa chimbynta ha kani ka Olympics kiwa toh u lai luti da kini ki rel cha Paris wow chimbynta ha kani ka lympung.