Jowai : Ha u bnai nyngkong yong uni u snem ka KNGC da yoh ko 20 tylli ki thaw noh-jhep kam chi bynta ka Swachh Bharat Mission lyngba ka ophis u Deputy Commissioner ka West Jaiñtia Hills yow pynyeiñ ha soo dong ka College.
Neiliang ka KNGCSU da pyntip ki wa da em kawi ka thaw noh-jhep wa da chah thang wa pynyeiñ ha chrooh ka College. Da ong leh wa neidaw wym em ki bru wa yang sonteri ha ka College, ki damok da yoh ki u mih u psiah katwa ngait yow leh pynsih dei wow thang ya kani ka thaw noh-jhep.
Ka KNGCSU leh da maham joor ko wa lada chem daw pynchitom ya kiwa emkti. Da suba joor leh wa ye u man wa ki bru wa chong dih kiad dei miet ha kani ka College wa leh ya ini.
Kani toh katkam ka khubor na u General Secretary ka KNGCSU u J. Paul Lyngdoh.
Also Read: Chah thang ma chah thang ki thaw noh-jhep ha Jowai
Discussion about this post