Jowai : Kawi ka manbei na ka chnong Pamrakmai, East Jaiñtia Hills da booh ko ya ka ujor ha ki pulit ka East Jaiñtia.
Ha kani ka ujor kani ka manbei da ong ko wa ha ka 12 tarik heipor kamwa 3:00 waje i janmiet kawi ka bru wa tip kam ka Ai Siangshai chirrup wa kiwi tawan da theh acid ki ya ka khon kani ka manbei kawa 21 snem i rta.
Ha ini i jia kani kawa 21 snem da iñ ko wei da kit ya ka cha KJP Mission Hospital, Jowai wow yoh ko yei sumaar.
Katkam ka yutip wa yoh da ong wa kani ka bru da chah theh acid ko heipor wa yachoh chiwarang ki.
Ha iwi tawon i jia ha ka 16 tarik heipor 8:00 waje i miet, uwi u bru uwa tip kam u Phrangki Rymbai da dat wei da slaitbor u ya kawi ka mabei ha Shuit, Dkhiah East, East Jaiñtia Hills.
Discussion about this post