Ka seiñ na Ri-loom Garo wa tip kam ka A·chik Conscious Holistically Integrated Krima (ACHIK) ynne da sdang ko yei chah thngan wa khlem booh por yow dawa pyndap ya ki kreh wa da dooh bhah ki Garo wei wow booh ya ka Winter Capital ha Tura.
Ya kani ka chah thngan da yahkhmat da u Laben Ch. Marak, uwa jooh man kam u MCS wa u MPS.
Ka ACHIK da dep yakhih ko ini wadep yow dawa na ka sorkar wow pynkrehkaam ya ka Reservation Roster deiwa kheiñ nadooh nachwa tangwa ym em wa ap ya ini i dawa.
U Laben da ong u wa ini i dawa wow pyndap ya ki kreh wa da dooh bhah ymem tang wow yaklam da ka sorkar wei ka Office Memorandum (OM) wa da pynmih thymme ha ka 14 tarik u Naiynru da ktah pathan ko ya ki Garo neibhah ym em klam ya ki kaam wa da dooh bhah namo ka ‘Backlog’.
Hajrong i dawa wow booh ya ka Winter Capital ha Tura, da ong wa ya ini leh ym em bien ka sorkar wow yaklam neibhah ki paidbah ka Garo Hills da chah iehbeiñ ki hanla yoh Montri Rangbah da ki Garo.
Kamtæ ka ACHIK da khut ko ya kiwa chong chnong ka Ri-loom Garo wow ya wan ki wow chimbynta ha kani ka chah thngan dei wym swe wow e wot yei mynsien lada kani ka chah thngan neh slem ko wei u pteiñ kat wym pu e jubab u Montri Rangbah.
