U President ka Meghalaya Cricket Association, u Naba Bhattacharjee da chah thung u kam u Manager ka Indian Senior Women’s Cricket Team ka wow yalehke ya ka ODI Series pyrchah ya ka Australia.
Ki yalehke ODI wa nyngkong wa kawa ar u yaleh ha Brisbane ha ka 4 wa 7 tarik u Kmaichonglad (Dec), 2024 katwa kawa le won ha Perth ha ka 10 tarik u Kmaichonglad.
Kani ka Series toh chibynta yong ka 2022-2025 ICC Women’s Championship.
U Bhattacharjee toh uwa da jooh embynta wow pynku ya ka yalehke Cricket ha Meghalaya la kamwa 15 snem wei da em u haphrang wow man kam u Permanent Member ka BCCI neibynta ka jylla ha u 2018, wei da jooh man u kam u dkhot ka NADP Committee ka BCCI ha u 2016.
Da jooh man u kam u dkhot ka BCCI Committee chirup wa u Jay Shah, u Rajeev Shukla, u Sourav Ganguly wa kiwi ha u 2017, yow booddien ya i tyrwa (Recommendation) u Justic R.N. Lodha Committee.
Da embynta u leh wa ka BCCI ha ka Series wa pynman hapyrdi ka India wa West Indies ha Florida wow pynku ya ka yalehke Cricket ha USA ha u 2016.
Discussion about this post