Uwi u khynroo uwa da im-ja deiwa pynlang ya ki mar jæd, ki mar sih na i thaw noh jhep wa tip kam i Marten wa em ha Shillong, da chah tlep u hei jhep ynne i step hadien wa oor i jhep wa jrong kat u loom iwa da ban oo.
Uni u bru toh uwa tip kam u Marshal Marwein (30 snem), dang thooh ya oo haddooh ynne i miet tangwa ympu ye u chem oo neidaw wa da miet noh.
Katkam wa khana kiwa pynlang tiar lang, u Marshal da hiar u cha ka thaw wa cha tre yow lai pynlang ya ki klong Plastic wa ki Tin jæd wot hawa da maham ki para wa leh ya ini i kaam neidaw wa kani ka thaw toh kawa tlot wei kawa dang dep oor ini wa dep.
Da khana ki wa u Marshal ym ap u yeini i maham ki wei hadien wa hiar u da oor lut i jhep wa da tlep oo.
Da khana ki leh wa mar ya jia ini da lai pyntip ki cha kiwa pait yaka Marten wei neiliang ki pulit ka Mawlai Police Station hadien wa tip ki yeini wa jia da phah ki wut-wut ya ki pulit wow yarap thooh ya uni u bru tangwa hadooh kattæ ym pu em chem ya oo hadien 6 kynta wa da thooh ya oo.
![](https://i0.wp.com/wyrta.com/wp-content/uploads/2024/02/ctlljh.jpg?resize=960%2C543&ssl=1)
![](https://i0.wp.com/wyrta.com/wp-content/uploads/2024/02/ctlljh2.jpg?resize=960%2C543&ssl=1)
![](https://i0.wp.com/wyrta.com/wp-content/uploads/2024/02/ctlljh3.jpg?resize=960%2C543&ssl=1)
![](https://i0.wp.com/wyrta.com/wp-content/uploads/2024/02/ctlljh4.jpg?resize=960%2C543&ssl=1)
Discussion about this post