Chah tooh 4 tylli ki thuk thuk wa kiwi ki kaam tooh hapoh ka jylla

Jowai: Katkam wa pyntip ki pulit, haka 29 tarik u bnai wa da dep heipor chi waje i step synyaw da em ki bru wa tooh ya kawi ka thuk thuk ka yong u Timolin M Sangma na thaw kset u ka wa em ha chnong Rangmalgre, EGH.

Haka jooh biang ka sngi heipor 9:45 i step da em wa tooh yaka thuk thuk wa em ya u number ML-08F-2458 ka yong u Pradip Rabha na yung u wa em ha chnong Gophupara, WGH.

U Jobed Ali haka 17 tarik u bnai wa da dep da ujor u wa da em wa tooh yaka thuk thuk u kawa em ya u number ML-08E-0140, kawa pynyeiñ u ha chnong Gudibala Katmil, WGH.

Haka 24 tarik won heipor 2 waje i step da em wa tooh yaka thuk thuk wa em ya u number ML-08F-5407 ka yong u Ratan Datta kawa pynyeiñ ha pchem yung u ha Chaipani, Dalu, WGH.

Related posts

Chah kem uwa kreh ka Air India wa khayi yei ksiar wa chongdor Rs. 1.41 klur

June 14, 2025

25 snem phah kset ka yung bichaar ya u Boti Surong uwa slaitbor ya ka khynnah

June 8, 2025

Ha iwi tawon iwa jia, haka 27 tarik u Mohinul Haq, u Tanu Lai, Shri Azizul Rahman wa u Mozmul Haque da ujor lang ki wa ha kani ka sngi heipor 6:30 i miet da em 6 ngut ki bru wa sap tymmoh yei khat da ki Mask kiwa rah yaka Pistol waka tari da lai ki cha Naga Depot wa em ha NH-62 (SGH) wei da tooh ki T. 15,300 wa kawi ka Mobile Phone na ki.

Haka 20 tarik won da chah tooh 10 tylli ki Battery kiwa chong dor T. 20,000 naka yung krehkaam ka Doordarshan Kendra, Tura (WGH).