Chah tooh 73 tylli ki Mobile Phone wa chongdor Rs. 24 lak ha ka Concert u Enrique Iglesias ha India

Uwa rwai wa pawnaam ka Spain uwa da jooh yoh ya ka Grammy Award, u Enrique Iglesias ha kani ka tayaaw da wan rwai u ha Mumbai ha ka 30 tarik u Naichiphaw ha MMRDA Grounds, Bandra Kurla Complex (BKC) heiwa da em 73 tylli ki Mobile Phone wa chongdor Rs. 24 lak da chah tooh ki, da pyntip ki pulit.

Ini i chah tooh ki Mobile ha kani ka madan da jia i heipor wa wan palat 25,000 ngut ki paidbah wow sakhi yeiwa rwai u Enrique 90 minit.

Ki pulit da pyntip ki wa da register ya 7 tylli ki FIR hadooh katni, heiwa kiwa chah tooh toh ki khynnah puræ, uwa thoh khubor, u tre Hotel wa ka Makeup Artist.

Ki Ticket chongdor ki nadooh Rs. 7,000 heiwa u Enrique da rwai u ya ki sur wa pawnaam u kam i “Hero” wa “Bailamos” iwa da pynka’it ya kiwa boon.

Related posts

Chah kem 166 ngut ha Manipur wa tyngkheiñ ya ki kyndon Curfew

April 13, 2026

Pynlait paidbah u S.K. Lato ya ka kot wa thoh u kawa da e pyrtuid “Ka Seiñraij Kam Ka Seiñ Niam”

April 12, 2026

Ha iwi i jia u Enrique da chim u ya ka Mobile wa em wa noh cha stage wow chondur da ka wei hadien won da yoo wa ki bor pynlai da pynuiñ ki ya ki Phone ki bru wa kawang ki hajan ka stage. 

Neiliang ki pulit dang pait ki ya ki CCTV wei da leh ki ya ka Digital Tracking wow chemdien ya kini ki Mobile wa chah tooh.