Ki dieñphna wa chna da ki nar da chah tooh ki napoh ka thaw tlep-bru ka Balang Catholic wa em ha R.C. Road, Tura heiwa kiwa tooh da kloh wei da ah ki ya kamwa 19 tylli ki deiñphna.
Yeini da sdang wow suba wa jia hadien wa yoo ki bru wa em kiwa rah dieñphna cha luti syngkieñ wei em leh kiwa kit da ki Auto Rickshaw ha kini ki sngi wa dep nadooh ka 12 tarik.
Kamtæ ki heh Balang da lai ki cha kani ka thaw tlep-bru heiwa da chem wa da em ki dieñphna kiwa da chah khloh, chah ah kiwa da ki nar wei da chah tooh leh ki tiar kam ki lyngka, ki belcha, ki sainar wa kiwi de kiwa da booh ha kani ka thaw neibynta ki bru wa wan tih thlu.
Hawa lai pait ya kani ka thaw da chem wa em i bynta i kynroh wa da pra iwa ye u man ka luti wa yoh ki bru wow psiah cha kani ka thaw.
Kini ki bru wa tooh da pyndor ki leh ya ki dieñphna iwa ye u man heipor wa mut ki u phut tangwa ym ye ki wei kiwi kwon ki wym em skem da chah phut ki wei em leh kiwa da chah ah.
Neiliang ka Balang da e FIR ko ha ki pulit deiwa suba wa da leh yeini da kiwa dih drugs kiwa dai ya kini yow yoh poisa ki wei hei takit ki pulit da chem ki ya 8 tylli ki dieñphna na kiwa pynlang nar jæd kiwa em ha Tura hi kiwa da khana wa da theid ya kini ki dieñphna na ki ar ngut ki khynnah khynroo kiwa wan dai deiwa ong wa neidaw wa da booh da ki thymme kamtæ da wan ki wow dai noh ya kini ki warim wei kini kiwa pynlai ya ka thaw pynlang nar jæd da su ki Rs. 2200 ya kini ki deiñphna.
Discussion about this post