U motdur niam wa em ha Loom Luti Dieñphna yong ka Syiem Jingsuk Parish Amlarem wa da pynwandur yow pynyoo yei chah sah narphna u Jisu, da em wa wan leh pynsih deiwa tympiah wei pyntkut.
Kani ka thaw toh kawa em boon tylli ki motdur wei ha u motdur wa 11 uwa man leh u motdur u Jisu wa pynyoo yei sah narphna u, da em wa wan wow tympiat hadooh wow pyntkut leh yei khlieh u motdur.
Yeini da antaad wa da jia i heipor kamwa 11:00 waje i miet ka 13 tarik uni u bnai katkam wa da pyntip da u E. Lukram uwa sikai skur ka Parish.
Mar ya tip yeini, kiwa yahkhmat ka Parish da lai li pait ki wut-wut heiwa neiliang u Phadar Rangbah (Parish Priest) yong ka Amlarem Parish, u Rev. Fr. Firster Shylla, MSFS da khana u wa dadep lai booh FIR ha Amlarem Police Station ha ka 14 tarik uni u bnai heiyatoh wa ini wa jia.
U Gilbert Sten, President ka Catholic Association Jowai Diocese da beiñ joor u ya ini i leh dusmon iwa da pyntakha yei mynsien ym du ya ki para wangait walang ka Parish Amlarem, tangwa ya waroh ki paaid walang Catholic. Da ban joor u wa kam ki bru kiwa emkaam ya ka imlang sahlang, toh u em katæ ka mynsien ya maya wei ya burom markylliang hanlada em i ha kawon kawon ka niam ka rukom.
Hajrong ka FIR wa da booh da ka Amlarem Parish, u Gilbert Sten da ong u wa ka Association u yarap booddien ko ka. Heijooh i por da ban joor u leh ya ka Police Department wow chimkhia ki ya kani ka kaam, lym kamtæ daw pynbor ko ya oo wow rah ya ka cha ki bor wa rap hajrong yong ka Association næ ki bor sorkar katwa chah ka kaam, pynkut u Gilbert.
Discussion about this post