Chah tympiah tympra ki dukan ka Bata, KFC wa Pizza Hut ha Bangladesh

I yakhih wa joor da jia i ha kiwa boon ki thaw ka ri Bangladesh iwa da sdang nadooh ka 7 tarik yow pyrchah yei hiar thma ka Israel ha Gaza heiwa kiwa yakhih da khut ki wow Boycott ya kiwon kiwon ki mar kiwa emyatoh wa ka Israel.

Kiwa yakhih da lai tympra ki ya ki dukan ka Bata, KFC, Pizza Hut wa Puma kiwa sñiaw ki toh kiwa emyatoh wa ka Israel.

Ki yakhih wa boon toh kiwa da jia ha Bogra, Sylhet, Cox’s Bazar wa ha Chittagong heiwa ki paidbah da kawang moo wei da psiah ki leh chapoh ki dukan yow tympra ki hadooh wa da thut i lai i wan ki kari.

Ha Bogra da ki spah ngut nadooh ki khynroo wa lai puræ deilang ki paidbah da lai ki cha ka yaaw wa em ha Satmatha wei da rah ki ya ki Placard wa ki Banner wei da kbai ki leh ki kyntien pyrchah ya ka Israel. Ha ini i thaw da kawang moo yei dukan ka Bata.

Related posts

Dei pynsñiawthooh hajrong i khooid i jngiar pynman ka Jingiaseng Samla Jowai Presbytery

June 1, 2025

Da ka Training wa kyrpang ya kiwa sikai skur pynman ka WJSU

June 1, 2025

Ha Sylhet da tympiah tympra ya ka KFC Restaurant wa em ha Mirboxtula wei da tympiah ki leh ya ki klong Soft Drink wa da ong ki toh kiwa emyatoh wa ka Israel.

Ha Cox’s Bazar wa ha Chittagong leh da jia i jooh heiwa da chah kawang moo ka KFC Restaurant deilang ka Pizza Hut.

Neiliang ka Bata da pynche ko wa ki toh kiwa na Czech Republic wei ym em yatoh ki wa ka Israel wei da em wa pynbaad thok ya ki deiwa pynche leh wa da em ki hapoh ka Bangladesh nadooh u snem 1962 yow chakri deiwa burom ya waroh.