Ka KSU Narpuh Circle da dap ko dei sñiaw chrai hadien wa chem da ki kattu katni ngut ki khynroo na Ratachera wa em ki bru wa da tympleh yei thoh hapoh chnong yong ki ha Malidor kam ha ki Signboard yong ka SSA, MGNREGA wa ki kreh wa da chna na ka Scheme yong ka sorkar Meghalaya.
Ka seiñ da suba ko toh wa em kiwa sah pyn ha Malidor kiwa sooh buit lang wa ka Revenue Officer yong ka Cachar District deiwa maham wa ka seiñ daw hiar ko wow e dei sneiñ ya kiwa leh yeini.
Chooh chooh da kam leh wa ha kini ki kajiak sngi da em ki bor synchaar ka Cachar District kiwa da hiar sop sop cha chnong Malidor yow phah tympleh ya waroh iwa da thoh wa da mih i pyrtuid ka Meghalaya.
