Ynnin ka sngi, ki yung ki 11 ngut wa da chna ha i thaw sorkar ha Mandla, Madhya Pradesh da chah tympra ki hadien wa chem wa dai tooh ki yei doh masi.
Ya ini da leh hadien wa yoh yutip wa em chiboon ki masi wa da booh wow ah doh ha Bhainwahi, Nainpur da pyntip u SP ka Mandla.
Da ong u leh wa da chem hadooh 150 tylli ki masi wa da kdoh hadien kini ki yung wei da chem leh ya i doh masi ha ki Fridge yong kini ki yung kamjooh ki snieh wa ki chyieñ masi wa da booh ha ki kamra kini ki yung.
Neiliang u Doctor da pyntikna u wa toh i doh masi wa da chem wei da phah nongmuna leh cha Hyderabad wow leh ya ka DNA Test. Ki yung yong kini ki 11 ngut leh da tympra noh ya ki neibhah wa em ki ha i thaw sorkar.
Neiliang ki pulit da ujor FIR ki leh wei da kem ya uwi uwa emkti katwa sa 10 ngut kiwi tawon dang yut ki na kti ki pulit.
Ya ki 150 tylli ki masi da phah ya ki cha ki thaw ri masi.
Ha Madhya Pradesh da man ko pyrchah ya ka aiñ wow khayi doh masi.
Discussion about this post