Chah tympra palat spah tylli ki yung wa chna be-aiñ ha ki thaw ka Shillong Cantonment Board

Shillong: Ka ophis yong ka Shillong Contonment Board ynne ka sngi da khyndang ko naphang ya ki yung kiwa chna be-aiñ ha ki thaw wa haap hapoh u pood u ang yong ka.

Ki tai ki yung toh kiwa hajan ka Anjalee Cinema Hall kiwa dang haap hapoh ka South Shillong Constituency.

I tympra ya ki yung da sdang i nadooh ka por 8 waje i step wei da ki spah tylli ki yung wa em ha ka tai ka thaw da chah tympra ki. Neiliang ki bru kiwa sah be-aiñ ha ka tai ka thaw da kynnoh ki wa ka SCB da leh bor ko wow tympra ya ki tai ki yung khlem pyntip chwa yow e por u mih ki katwa neiliang ka SCB won da ong ki wa da dep epor ya ki wow mih ki da palat ar bnai.

Neiliang kiwa sah ha ini i thaw leh da dep lai ki cha ka yung bichaar ynnin ka sngi yow pynsangeh yeini i tympra tangwa ka yung bichaar da kyntait ko yeini.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kini ki bru da kam ki wa da sah ki ha kani ka thaw la 50-60 snem wei i leh ka SCB toh iwa leh chilliang khmat heiwa ya ki yung wa ki kudam yong ki mahajon ym em tympra ki. Neiliang ka SCB won da pyntip ko wa ya ki yung wym em tympra toh kiwa da dep su bai yung wei da em leh ka ya soi suskular wa ka SCB.

Hawa pyrchang u yaklam wa u Chief Executive Officer ka SCB kiwa thoh khubor ym em yohlaad ki neidaw wym em u hapoh ka kamra krehkaam yong oo.