Chah tynyap deiwa ah rdang hadien wa chah slaitbor ka khynnah wa dang 12 snem

Ki pulit ka West Garo Hills da chem ki yei metyap ka khynnah wa da antaad toh 12-13 snem i rta haka 1 tarik uni u bnai na chnong Jangrapara kawa dang haap hapoh ka Phulbari Police Station.

Hadien wa da pyndep ya ka Post-Mortem da chem toh kawa da chah slaitbor wei da pynman ya ka takit da ka Tura Women PS hapoh ki kyndon aiñ 302/376A ka IPC deilang wa ki kyndon 5/6 ka aiñ POCSO Act.

Kani ka khynnah da chah tynyap ko deiwa chah ah rdang ko heipor wym em bru ha yung.

Da em ko samen ha yung hadien wa liwan ko na wa yap bru heiwa da lai lang ko wa ka bei u pa ko tangwa da phah liwan ka cha yung hadien wa kynmoo wa mylliñ u tympleh bordiñ ha yung wei hadien wa liwan ki rap slem da chem ki yeiwa da jia ya ka khon ki.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Ki pulit da pyntip ki wa dang pynman yei takit wei ym pu em yow wow kem ya uwon uwon tangwa da em i suba ya uwa emkti ha ini i kaam wei katkam ka khubor cha wah cha neiñ da suba pyn ya uwa sah jan yung uwa da wiar nadooh wa jia ini.

Yei pyrtuid kani ka khynnah ym em khynna ki pulit wei da kypaad leh ya ki bru wym toh u pynpoor ya ki khubor hamsaya wei wow burom ya kawa khlaad.

Da kyntu leh ya ki paidbah kiwa tip iyi iyi chaphang ini wa jia wow pyntip ki cha ka Police Control Room, Tura (Mobile No. 8837423053) wei yei pyrtuid kiwa pyntip daw murieh.