Jowai: Uwi u manpa uwa tip kam u B. Iakai da ujor u wa ynnin ka 7 tarik heipor kamwa 5:00 waje i janmiet da chem ya i metyap ka khon u kawa dang 9 snem kawa tip kam ka L. Sungoh na i kpær yong i yung wa sah ko.
U Iakai toh uwa sah ha Moojem, West Jaiñtia Hills wei kani ka khynnah sah ko wa ka payu u ha Khatkasla, West Jaiñtia Hills.
Ki pulit da ong ki wa kani ka khynnah em ko samen ha yung wei da chah patah ko cha lait.
Da suba wa kani ka khynnah da chah slaitbor ko dep neitæ da tynyap ya ka.
Neiliang ki pulit da dep phah leh ki ya ka Postmortem wei da ekti yei metyap yong ka cha kiwa ha yung yong ka.
Heijooh i por dang pynman ki ya ka takit wei ympu em u kem ya uwon uwon hei yatoh wa ini.
Discussion about this post