Chah tynyap kawi ka manbei deiwa chah pam lyngkhot ha ki nong Bangladesh

Ka KSU Narpuh Circle ynne ka sngi hapoh i yahkhmat u Phanuel Tongper kam u Vice President da hiar ki wut-wut cha chnong Donaskur wa dang haap hapoh ka Elaka Narpuh, East Jaiñtia Hills kawa man ka chnong wa em ha khappood waka Bangladesh heiwa da em kawi ka manbei kani ka chnong kawa pyrtuid Priskila Suchiang kawa 45 snem i rta da chah tynyap ko ynnin heipor kamwa 11:00 waje i step.

Kani ka manbei toh kawa em ar ngut ki khon wei toh kawa jooh ya khayi ha ki thaaiñ khappood wa uwi u nong Bangladesh wei da suba wa chah tynyap ko ha ki nong Bangladesh hi.

Katkam wa pyntip ki tre chnong wa katai ka manbei deilang wa u khon chynrang ko da mih ki wow lai dei kjat hadooh wa poi ha kawi ka yung trep iwa man tre da kani ka manbei yow chong ngiah ha ini i thaw deilang wa ki mar wa mut ki wow lai khayi.

U khon kani ka manbei da chong u chipor wei da lai u wow thooh luti da iwa biang yow lai rah ya kini ki mar yow lait nei chah pynthut ha ki BSF wei da ieh u ya ka bei wa ki mar ha ini i trep tangwa manda poi biang u cha ini i thaw wa yang ka bei u da chem wa da thiah yap ko hei snaam wa boon wa kai na ka wei ki mar leh ym em de ki.

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Kamtæ dei yaam sñiawsih da lai phet u cha yung yow pyntip cha kiwa chong chnong kiwa da wan wut-wut wei da chem wa ya kani ka manbei da chah tynyap ko deiwa pam da ka wait na khmat na khmut wei da ah lyngkhot ya ki kti ki kjat.

Kiwa chong chnong da ong ki wa ini i rukom chah tynyap kani ka manbei toh iwa yoo chyrkhei wei neiliang ka seiñ da pynsñiaw ko yei sñiawsih wei chrai ya ini i leh dusmon kini ki nong Bangladesh wei da phah leh yei sñiawlem cha kitai ki ar ngut ki khon chynrang wa kynthai kiwa da dooh noh ya ka bei ha ki kti ki bru jrah snaam.

Ka seiñ da maham ko leh ya kitu bru kani ka thaaiñ kiwa khayi pateiñ wa ki nong Bangladesh neibhah kani ka kaam man ko pyrchah ya ka aiñ wei ymtoh de wow leh neini chakhmat ya kini ki kaam wei ki tre chnong ym toh de u pynyajooh ki wa ki nong Bangladesh nadooh wow yah ki chapoh ka chnong ka thaw wot lada toh ki kaam khayi pateiñ.

Katai ka manbei da chah tynyap ko ha khappood ka ri India wa Bangladesh iwa jngai 2 kynta ka luti na chnong Donaskur.

Yeiwa dang sah kani ka manbei da chimkti da ki pulit wei da rah cha Khliehriat yow leh ya ka Post-Mortem. Ka seiñ da kyntu ko ya ki bor pulit wow pynman yei kdong wei booddien yow chem ya kitai ki bru wei yow pynchitom ki katkam ka aiñ.