Jowai : Katkam ka yutip wada yoh da ong wada chah tynyap uwi u manpa uwa palat 55 snem i rta ha chnong Nongjngi.
Ya uni u bru da tip kam u ma Sing Pale uwa rep wei man u leh uwa na Khliehchnong, Nonjngi wei da wiar u nadooh ka 30 tarik uni u bnai wada dep.
Da ong wa ha kani ka miet uni u bru da mih u na pata kyiad wei da lithooh torchlight u na yung u khonruid u na Moolephaw yow liwan u cha Khliehchnong.
Hadien wym em u poi yung u, da thooh yonglang ya oo heiwa da chem ya u ma Sing wada yap u ha ka yulam um hakhap i khloo wa em hapyrdi ka chnong Moolephaw wa ka Khliehchnong.
Da ong wa yoo lakam wa da chah pynchitom u ma Sing hachwa wow yap u neibhah wa da tahsloor i rynkhi u, da mih leh i chyieñ lymbong chalait, da wiar kawi ka pyllung khmat u, da chah takha leh i bynta man chynrang u wei ym em patlun de u.
Ynnin ki pulit da pyndep ya ka Postmortem ha Ialong Civil Hospital wei da pyndep niam ya oo ynne ka sngi.
Discussion about this post