Jowai : Katkam ka khubor wada yoh naki pulit da ong wa da yoh ki yaka ujor na uwi u bru uwa da tip kam u Bijoy Choudhury ha ka 7 tarik heiwa da ong u wa da wiar u diah u uwa pyrtuid u Kiron Choudhury uwa 25 snem i rta nadooh ka 30 Naitung (April).
Hadien ini da chem yei metyap yong oo wada chah tynyap u ha ki damok ha Rasong Wapung Skur, East Jaiñtia Hills.
Ha iwi won iwa jia haka 4 tarik uni u bnai, da ong wada haap wei ban uwi u moo ya uwa mylla (stone quarry) yowa da tip kam u Lal Bordoloi haka chnong Moopyllaitsyiar, Khliehtyrshi West Jaiñtia Hills. Ha ini da mynsoo u wei da kit ya oo cha Dr. Norman Tunnel Hospital, Jowai, heiwa u Medical Officer kani ka thaw sumar da pyntip u uwa da khlad uni u bru ha luti.
Ki pulit da register ki daka case wei dang takit yeini wa jia pyn ar.
Discussion about this post