Uwi u bru wa klam Phone heipor wa kaap u cha chiliang kawi ka sarok ha khapsor ka Hyderabad ha i thaw tip kam i Pocharam da dooh noh u yei mynsien u ha ka 14 tarik uni u bnai.
Uni u sarok toh uwa tip kam u NTPC-X wa lai cha Ghatkesar heiwa yeini wa jia da yoh u riñ da ka CCTV.
Uini uwa yap toh uwa tip kam u Giri Babu (38 snem) uwa sah ha RGK Colony, Annojiguda wei katkam ka yoo ha iwa riñ ka CCTV da sdang u wow kaap sarok deiwa klam Phone wei da em chwa ki thuk-thuk wa lai wei chwa wow dam u klam Phone da wan kawi ka kari wei manda pyndam u ya ka Phone kani ka kari da em ko hajan bha u wei da pyrchang ko wow lai cha rood tangwa uni u bru da phet u chei liang wa kani ka kari da pyrchang ko wow yait oo wei da sied wei skit u ha suiñ heiwa da haap u chakhmat kani ka kari.
Uni u bru da pynkit ya oo cha Hospital tangwa da khlaad noh u hadien kattu katni por neidaw wa joor mynsoo i bynta i khlieh wa ki kjat u.
Kani ka kari ym em sangeh ko wei da yut ko na ini i thaw.
Ya uni uwa chah tyrrah da kit nynkong cha Vajra Hospital hadien won cha Kamineni Hospital wei hadien cha Gandhi Hospital heiwa da khlaad u heini.
Discussion about this post