Chah tyrrah ka Scorpio ki pulit wa synran ya u lat ka jylla ha Mawiongrim, mynsoo 5 ngut

Shillong: Ynne ka sngi heipor kamwa 12:45 kawi ka kari Mahindra pick-up kawa em ya u number ML 05 0731 kawa yah da u Kwostar Diengdoh, 45 snem i rta uwa na ka chnong Mawkyrwat ka lai tyrrah ko ya Scorpio kawa em ya u number ML 10B 0227, kawa chong ki pulit wa synran ya u lat ka jylla, u Banwarilal Purohit.

Kani ka tyrrah kari da jia ko ha u sarok NH-40, ha Mawiongrim katwa u Lat ka jylla dang wan u na Assam cha Shillong. Katkam wa pyntip ki pulit da ong wa i bakla toh uwa yah ya ka kari Pick-up kawa wan mar pyrchah kawa dong syndet cha ki wei da tyrrah bait ko ya katai ka kari wa chong ki pulit wa sonteri ya u lat hadooh wa kylla ko dei chrooh.

Ha ini jia waroh artylli kini ki kari takha joor ki wei 5 ngut ki pulit wa em hapoh ka Scorpio da mynsoo ki wei da kit ya ki cha Civil Hospital, Shillong.

Kiwa mynsoo da tip kam u Hav. Gopal Gurung, ABC, u Mankhraw Sawian, ABC, u Anil Kr. Rai, ABC, u Ranjit Monungdar, ABC wa u Mantu Madok.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024